Editorial | THLAH ZALEN NGAM KAN NIH A NGAI

  Hrileng vanga inkhuahkhirhna chu thlah dul chhoh hret hret a ni a, mipui leh Sorkar chetvelna te, fimkhur taka kalpui a, hri laka himthei tur a ngaih te chu thlah zalen chhoh a ni zel a, hetianga unlock ruahman chho a ni hian, mipuite ko ah tihtur leh tihlohtur a innghat nasa tulh tulh a, mipui pawimawhna a nasa viau a ni.

Inkharkhip a, Lockdown puan reng theih kan nilova, Lockdown chu thlahdul hret hret a nihloh chuan ramin a tawrh nasat dan tur a lang reng a, heivang hian, inthlahzalen chhoh a nih mek lai hian, thlah zalen hi kan zolo palh ang tih a hlauhthawnawm na lai a awm a, helai tak hi, Sorkar, VLTF leh mipuite tanhona a that a ngaihzualna lai niin a hriat a ni.

Vanneihthlak takin Lawngtlai District ah Hri hi mipui ah a la darhlo a ngaih a ni a, hetiang reng hian kan awmthei angem ? Tutemah hian hri hi darh turin  kan duhlo tih a chiang a, kan chetveldan atang chuan hri darh hi kan hlaulo viau si niin a lan chang a awm lawi si.

District Level Task Force chuan, mipui lamin an tlintawk tur a an ngaih hmangin, hri vanga nunphung buai lutuk silo, hri darh tur veng chung siin ruahmanna a neih te hi mipui lamin an zawm thiam a pawimawh viau a, thlah zalen ngam kan nih hi tundinhmun ah chuan a pawimawh lai ber niin a hriat a ni.