Nimin a DIPR leh MJA buatsaih a Journalism and Social Media chungchang workshop neih ah, khawtlang leh ram tana kan vei zawng kan sawi thinte hian a tihlawhtlingtheitute beng a thlen phak leh phakloh chungchang sawihona tawite neih a ni a, tuna kan dinhmun ah a bikin DC lam chuan Social Media leh Newspaper ten an veizawng an tarlan, bawhzui theih ang an bawhzui thu sawilan a ni a, heihian ngaituahna a tihtui viau mai.
Chanchinbu a ni emaw, Social Media a ni emaw, thalai leh kum upa lam te pawh, ram leh khawtlang hmasawnna atan an veizawng te an sawichhuak chamchi a, a vaiin tihhlawhtlin theih a nilo tih chu a chiang a, hetihrual hian, mipangngai tak tak ten rawtna leh tihtur atana tha an chhawp chhuah te hian ngaihvenzui a hlawh siloh chuan, a titheituten mipui rawng an bawlna ah mipui aw an dah pawimawh lemlo tih a lantir a, chutiang hruaitu chuan mipui sukthlek an manpha lova, mipui lamin an lakah thuktakin ngaihpawimawh an hlawh lemlo thin.
Mipui lam chuan abikin Social media chu ram siam nan a auchhuahna tur dawhsan an neih that ber a nih vangin, tangkaitaka hmanduh mitamtak Lawngtlai District pawh hian a nei tih a chiang a, an thu zawng zawng bawhzui a tihhlawh tur tihlam nilovin, ram leh khawtlang hruaitute chuan an hruai mipui te sukthlek an hriat a pawimawh khawp mai.