LADC Inthlanpui neih huntur puan la nilo mahse, dan pangngai ang a nih chuan kumin kawmtawp lam hi inthlanpui neih hun tur a ni a, Official lam leh Political Party leh Candidate nih tumte chuan tan pawh an la nasa tan viauin a hriat a ni.
Kumin chu hripui vangin kan buai a, hri hian engtikahnge min kiansan dawn a hriat lo a, thla hnih thum hnu a kiang mai thei ni pawn a lang lova, a darh chho mek chu a ni si a.
Hetiang boruak a nih chhoh mek lai hian kumtawp lam a Council inthlanpui neihtur ang a ngaihzawn theih pawh hi thuneitu lam ten nguntaka ngaihtuahna siam chungin, sawn hla maise tih chu mitamtak ngaihdan a ni mek a, Election Commission lam ah pawh sawnhlat a nihtheih nan a ngenna siam thei te chuan tun atangin hma la se a duhawm ngawt mai.
Tun a kan awm ang ang hian, chetvelna belhchhah tur awm miahlovin inthlanna hi kalpui tawp theih chu nise, a himlohna em em pawh a awmlo maithei e, Election hian kentel a ngah a, Official te chetvelna hi chu thuhran ah pawh dah ila, Political Party leh Candidate te inzawrhchhuahna te, Party Ticket beisei a indawr kualna ang te, kawng dang engemawzat ah District pawnlam mi inrawlh theihna a tam a, hmundang a awm vote thlak tur hawkhawm ringawt pawh hri kai kherlo mahse, thinthiin mipui ten vote an thlak in a rinawmloh a, inthlan hun hi sawn a fuh mai awm mange.