YLA Sub Hqrs Chawngte in Jt. YMA hmalakna thlawp

YLA Sub-Hqrs. Chawngte chuan thuchhuah siamin,  APS Hydro Pvt. Ltd. in Chawngte kawng an siam mêk chungchangah lirthei eng chi mah kaltlang thei lova awmin Chawngte leh a chhehvel mi tam takin harsatna kan tawh mêk laiin, Chawngte Joint YMA in an hmalâkna an thlawp tlat a, thuneitu ten ngaipawimawh a, chak taka hma  laksak tura an ngen  thu an tarlang

Chawngte a NGO te hian Sorkar nêk zawnga hmalak hi an duh lova, an châk lakna ber kawng a pin tâk hnua ngaihsak loh an nih reng chuan engti kawng pawha chêtlâk hi an mawhphurhnaah kan ngai tlat dawn  tih YLA thuchhuah ah chuan tarlan tel a ni bawk a ni.

Hmanni deuh lawk khan Jt YMA Chawngte hian Chief Minister hnen ah lehkha thehlutin, Chawngte leh Rualalung inkar kawng chu siamtha thuai tur a ngenna an thehlut a, an ngenna a hlawhtlinloh chuan Chawngte a Sorkar office leh Bank a hnathawkte dan an tum thu Chief Minister hnen ah hian an thlen bak ah, thulawmawm engmah an hrelo a nih chuan August 15, a Independence Day lo thleng tur pawh boycott an tum thu Chief Minister hnena lehkha an thehluh ah hian an ziaklang tel bawk.

Hetihlai hian hnathawktu Company lam chuan vawiin atang hian kawng siamthat hna hi thawhtan an tum niin kan hria.