Khawvel hmasawnna in a kentel a ni a, a do zawngin engang pawn hmala mah ila, Internet hi do hneh ngawt theih a ni lovang. Thil reng reng chuan kil lehlam a nei thin an tih angin, Internet pawh hi hetikhawp a tangkai hi nimahse, mitamtak ten nunchhiatnan leh thihna hial an thlen phah an an hmang tih hi thil chiang tak a ni.
Naupang chu sawiloh, nausen anga ngaihtheih, Nu hnute hnelai thlengin Internet chu an inawmhlim nan hman a ni chho tawh a, Smartphone hmang thiamlo naupang chu, hawiharhlo ah ngaih theih hial an ni chho tawh.
Internet hian he tia sawi ai hian, kan nitinnun leh kan fate nun a luhchilh thuk zia hi a chhutduh chuan chhut ila, a fiah zawk awm e.
Nu leh pa zawk te pawn, Whatsapp, Fb leh Youtube kan khawih nasat rual hian, kan fate hian, keini aiin he Internet khawvel a thilawm hi an haichhuak chak zawk tih hi kan pawm ngam a pawimawh khawp mai.
Online Class te pawh sawirik a ni chho mek, kan duh leh duhloh lam nilovin kan fate hian Internet hi an khawih tam tulh tulh dawn, engtinnge thilthalo lakah an himtheih nan hma kan lak ang, tun hun hi, helam a mithiam ten nasa zawk a beihpui an thlak hunlai niin a hriat a, Nu leh Pa te pawn kan phak tawka tan kan lak nasat hi a tul takzet a ni.
Tags
Editorial