Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 78 a ni a.
Nizan hmasa a ZMC-a RT-PCR test atanga positive hmuh chhuah belh 1 nen Lawngtlai District chhungah COVID-19 positive mi 3 awmin, Lawngtlai Covid Care Centre (CCC)-ah enkawl an ni a, ngaihtuahawm an awm lo.
Lawngtlai district mi, naupang kum 7 mi hri kai chu a nu, hri kai atanga kaichhawng ngei nia hriat a ni
Niminah luh belh an awm lo va, PWD Inspection Bungalow atangin khung hran hun bi hmang zo a, RT-PCR test-a negative mi 2 chhuahtir an ni thung.
Lawngtlai District atanga Zoram Medical College (ZMC)-a RT-PCR test tura swab sample thawn tawh zawng zawng 1210 atangin result nghah lai 31 awmin, Lawngtlaiah Rapid Antigen Test hmangin sample 4 endik a ni ve tawh bawk a.
Result hriat tawh chinah positive case 24 hmuh chhuah tawh niin, dama chhuak 21 an awm tawh a, District Hospital a Covid Care Centre ah Hrikai enkawl lai 3 an la awm mek a ni.
Tags
News