Miriami-te unau hnen ah MRB in tanpuina an hlan

Nikum 2029 November  28 a an chawhmeh zawng hawlam Bike Accident avanga nupaa boral Lawngtlai Vengpui a khawsa, Pangkhua a mi Pu  B. Lalramding ngheta fate Miriami te unau chu nimin khan Mizoram Rural Bank chuan tanpuina Pawisa Rs 2,16,280/-  an hlan.
He hun hi MRB, Lawngtlai Branch Office ah neih niin, Chief Manager Pu C.Lalrokima chuan Miriami te unau tana tanpuina, Mizoram pum a MRB a thawkten an thawhkhawm na hi rei deuh tawh mahse, hrileng avanga harsatna hrang hrang kan tawh chhoh tak avanga a hlanna hun hi neih vat theih anih loh thu a sawi a, hun thatak an nei thei ta chu lawmawm atih thu a sawi bawk.
Pu B.Lalramdingngheta leh a nupui Pi Laldinkimi te hian an fate 3 Miriam Lalramngilneii kum 9. Lalsangpuii kum 7 leh Vanlalneihchhungi kum 4 mite an kalsan a, Heng Naupangte pual hian Mizoram Rural Bank a thawktu zawng zawngte chuan an remchan ang ang thawhkhawmin, pawisa thawhkhawm tling khawm Rs 2,16,280/- chu Mizoram Rural Bank aiawh in Pu C.Lalrokima, Chief Manager, MRB Lawngtlai Branch chuan Lalramdingngheta Pa kutah a hlan ta ani.
     
MRB Lawngtlai Branch hian Miriami te unau tan Term Deposit Account hawn sakin, Kum 10 chhung atan Rs 70,000/- theuh an  thunsak nghal a, ala bang Rs 6280/- chu Lalramdinghngheta pa Pu B.Ngunchunga hminga Saving Account ah an dahlut nghal bawk ani.
    

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post