ADC pathum, Political Party leh NGO aiawh ten Order of Precedence siamtha turin CM an ngen

Nimin a LADC, CEM Conference Hall a, Autonomous District Council pathum, Lai, Mara leh Chakma hruaitute, Political Party leh Tlawmngaipawl aiawh thukhawm chuan Mizoram sorkar in Order of Precedence, tunthla Ni 11 a a tihchhuah chu siamtha turin Chief Minister hnen ah ngenna an thlen.

Chief Minister hnen ah hian Order of Precedence tihchhuah ah Autonomous District Council hruaitute telh an nilo chu hriatthiam har an tih thu leh Notification chu District Council hruaitute an telve theihna tur a siamtha turin an ngen a, 

Joint Meeting chuan  Article of Warant No 6 ah Chief Executive Member, No. 7 ah Council Chairman, No. 8 ah Deputy Chairman, Executive Member leh an tlukpuite dah tur leh No. 9 ah Member of District Council te dahturin Chief Minister chu an ngen a.

An ngenna hi tihhlawhtlin a nihloh chuan National Day ah an tan hmun a awm dawnloh thu an lehkha ah chuan tarlangin, a hran a National Day an lo hmang a nih pawhin demtheih an nihloh tur thu Chief Minister hnen a lehkha an thehluh ah hian an ziaklang bawk.

Nimin a thut khawm ah hian Lai Mara leh Chakma Autonomous District Council a CEM leh Chairman  te bak ah an aiawhte an tel a, Polical Party leh NGO aiawh te an tel bawk.