Hri a lentirh khan, Mizoram a rawn thlen kan hlau ber a, Mizoram a rawn thleng a, kan District a rawn thlen kan hlau leh a, kan District atangin hrikai hmuhchhuah a ni chho a, kan hlauhna a nep chho ta deuhvin a hriat a, hetiang tho hi District dang dinhmun pawh a ni mek.
Hri hian minkiansan mai dawnlo tih hi a chiang a, thlahnih khat a boduak tur a beisei chi a nilova, kum engzatnge min chenchilh ang tih hi mithiamte pawn an ngaihtuah thiam mailoh a ni mek.
Hri inkaichhawndan te, hrilaka invendan te chu hmun kilhawr thlengin hrelo a bar an awm tawh pawhin a rinawmloh lai hian, hri hi kan la hrechiang tawk lo tih chu kan khawsakphung hian a nemnghet viau awm e.
Hripui kai hi a thuin kan hlau a, a kaiawlsamna hmun ah erawh kai hlauh vangin kan fimkhur chuang silo lai hi a veiawm lai a ni a, dan khauh pui pui hi kan mamawh berlo, mahni chhia leh tha hriatna hmangthiam chin chuan, hrikailo tur leh hri darh thei laka kan tihtur hi kan hlenchhuah mai hian, kan fihlimnan nasa takin kawng kan sial tihna a ni.
Mipui himnan a Curfew puan a nih mek laia, tulpawimawh em em pawh nei lemlova pawnchhuah chaktlat kan awm thinte hi a pawi khawp mai.
Tags
Editorial