Lawngtlai a hnamdang sumdawngten Hri an kai leh kaikloh enfiah tum a ni.

State pawn atanga rawnlut,  lirthei khalhtu engemawzat hri kai hmuhchhuah an nih tak avangin Lawngtlai mipui te an him zawkna atan  phai lam atang a bungraw lalut thin dawrkai te chu  hri an kai leh kai loh enfiah tum a ni.

LADC a Sanitation Officer leh Market Control Committee Secretary ni bawk, Pu C. Lalhmunsiama chuan phai lam atang a nitin mamawh bungrua  lalut thin dawrkai te chu ngaihpawimawh hmasak an nih tur thu sawiin dawr nghaktu  te chu RT-PCR / RAT  hmang a endik  an ni ang a ti a, hemi chungchangah hian Pu C. Lallungmuana, Executive Member, LADC a Market Control Committee Chairman leh Pu JC. Ngurluaia, Vice Chairman Market Control Committee, LADC te pawhin  mipui himna tur atana hmalakna pawimawh tak ni a an hriat thu an sawi.

Hmalakna hmasa ah  Lawngtlai Bazar area bik a phai lam atang a bungraw lalut thin, vai dawrkai te- chu hri an kai leh kailoh endik hmasak an ni dawn a,  a tul dan a zirin Lawngtlai khawpui chhunga dawrkai, phai lam atang a bungraw lalut thin (Non-Tribal) dangte pawh hma chhoh zel tura ruahman a ni.

LADC a Market Control Committee Secretary, Pu C.Lalhmun siama chuan Chief Medical Officer Dr L.C.Liana bak ah Bazar Veng VLTF te pawn, hnamdang sumdawngten hri an kai leh kailoh endik chu tihmakmawh a an ngai tih a sawi.

He ruahmanna kalmek hi nimin khan  Sanitation Offiocer leh  Health Department lam ten bawhzuiin, vawiin chawhma dar 10 atang hian, District Hospital ah Non-Tribal te hi  endik tan a ni dawn.