A bikin zanlam ah Bike bengchheng taka khawpui chhung a tlan thin te hian, mipui ngaimawh a hlawhna a rei viau tawh a, heti chung hian, tunlai, zan lam curfew puan a nih lai pawn, thawm hriattur a la awm tho hi a mak ang reng phian mai.
Thalaite tan Bike cheidanglam hi thilthar a nilova, lirthei cheidanglam hrim hrim hian a tuimite leh a ngainatute tan nun hlimna a thlen nasa ve hle a, Mizote te hi kan phak ang tawka lirthei cheidanglam chingtak pawh kan niin a hriat.
Hetihlai hian a bikin Bike cheidanglam thinte hian, a thawm ti bengchheng zawng a chei hi an hratin, khawpui lianzawk ah pawh sorkar pawn a buaipui fo leh a khuahkhirh hleihtheihloh zing a mi a ni.
Hetiang hi a nihmek lai hian, mipangngai chuan an Bike chei danglam, midang tana bengchheng siamthei chu khawpui chhungah an khalh ngawt ngailova, tuna Lawngtlai khawpui a tlan kual thin te pawh hi mi tamtak a nih a rinawmloh a, tihtak deuhvin zawnchhuah tum a hmalak nise chuan manchhuah harsa an nih a rinawm loh.
Engemawhlek ah changkanna in a kentel, Thalaite nun thlah zalen ang chi ngaihpawimawhsak lutuk te pawh hi a fuhlohna chin a tam a, huho nun hi kan zir deuh deuh a ngai a ni.
Tags
Editorial