Lawngtlai a hnamdang sumdawng, mi 41, nimin a Rapid Antigen Test hmanga endik te chuan hri an kailo tih finfiah a ni.
State pawn atanga bungrua phurluttu Driver leh an mahni puitute atangin hrikai engemawzat hmuhchhuah a nih hnu ah LADC a Sanitation Department leh Lawngtlai Bazar Veng VLTF te chuan hnamdang sumdawng, State pawn atanga bungrua lalut thinte chu hri laka an him leh himloh enfiah
a nihtheih nan hma an la a, Chief Medical Officer Dr.L.C Liana'n ruahmanna lo siampuiin, nimin khan Lawngtlai District Hospital ah Non-Tribal 41 te chu Rapid Antigen Test hmangin hri an kai leh kailoh finfiah in hrikai hmuhchhuah an awmlo.
LADC a Sanitation Officer, Market Control Committee Secretary nibawk Pu C.Lalhmunsiama chuan, a nawlpui chuan Test hi zawhfel a nih thu sawiin, a tahtawlin rinhlawhkai deuh an awm chuan Test hi neihzui tum a nih thu a sawi.
Tags
News