Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 78 a ni a. Lawngtlai District-a COVID-19 positive mi 3 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.
Niminah Quarantine Centre ah luh belh emaw, chhuahtir emaw an awm lo va. Lawngtlai District atanga Zoram Medical College (ZMC)-a RT-PCR test tura swab sample thawn tawh zawng zawng 1210 atangin result nghah lai 31 a awm mek a, Result hriat tawh chinah positive case 24 hmuh chhuah tawh niin, dama chhuak 21 an awm tawh a, enkawl lai 3 an la awm mek a ni.
Tourist Lodge, Lawngtlai ah mi - 7 an awm mek a, Circuit House, Lawngtlai ah mi - 4, PWD Inspection Bungalow ah mi- 7, Medical Quarters - 35 Covid Care Centre - 4 an awm mek.
Tags
News