Hripui vanga khawvel buaidan hi sawi ngailovin, a tuartu zing ami vek kan ni a, a damdawi hmuhchhuah a la nilo hian, he hri hi a tihlauhawm zual a, a invendan erawh mithiamte thurawn angin kan hrethei a, a invendan tal kan hriat vangin, hripui lak ah hian kan himthei tih erawh a chiang a ni.
Atir ah kan hlau a, kan chiai a, kan phili viau a, a rei tual tual a, kan hlaulo tulh tulh a, hri erawh a darh nasa tulh tulh lawisi, kan hlau a nih chuan a tir lam aiin hrikai hi a hlauhawm daih tawh tih kan chian a ngai a, tullova, hlauhvanga chiai erawh kan kalpelh a, ngaihtuahnafim nen hripui hi kan hmachhawn a pawimawh khawp mai.
Tunhnai mai ah Non Tribal ten hri an kai leh kailoh endik an ni a, an result a that vek rualin, endik an nih vang ringawtin mithenkhat in hri hi kan hlau thar leh a, kan chiai titih ringawt a, hetiang nunphung hi kan kalpelh a hun tawh, tutepawh hian hri hi kaithei reng kan ni tih hi pawm ngam ila, he hripui leng hi a reh mai dawnlo tih hi ringngam ila, hrilakah engtinnge kan inven ang tih lam in, kan invenna tur a kaihhruaina awmte zawm mai ila, chu chu kan himtlannan a mitinten kan tihtur a ni.
Thenawmpa in hmaituamna a khabe dawmnan a lo hmang a nih pawn, khabe lam ah pawtthla ve kher lo ila, tute pawh hi midang zirtirtu kan nithei a ni tih i hre thar ang u.
Tags
Editorial