Tun thla ni 11 a Mizoram Sawrkar in Sawrkar hotute lal dan indawt Order Of Precedence a tih chhuah ah, Autonomous District Council hruaitute telh an ni loh avangin, nimin khan Lai District Congress Committee chuan Order Copy chu, Lawngtlai a an Office kawtah an hal.
Hemi chung chang ah hian Lai DCC chuan thuchhuah siamin, State Sorkar in Order Of Precedence a tih chhuah ah,Mizo District Council ruala Council nei ve, Autonomous District Council hruaitute telh ve an ni lova, Sawrkar Programme ah sawm an nih chuan ti chauh in Note No 7 ah an dah a, hetah hian MDC te phei chu sawm tur pawhin tih lan an nive lo chu Lai DCC chuan a ngai thutakin,Hnam leh Ram rorelna dah hniam tumna ni a an ngaih thu tarlangin, Chief Minister chu Autonomous District Council hnen ah ngaihdam dilturin an phut a, Distict Council 3 aiawh te, All Party leh NGO aiawhte Joint meeting in, he Order siam tha tura Mizoram Sawrkar hnena lehkha an thehluh ah, Order chu Cancell a, District Council hruaitute telh an nih loh chuan Independence Day chu a hranga hman angaih tur thu thlenga an thehluh chu, Chief Secretary chuan Aug 14 khan Order thar ti chhuakin, Order Of Precedence chu Order dang a awm hma loh chuan hman hrih loh tur a ni tih ringawt a Order siamin, chu Order thar copy chu District Council te chu pek an la ni chuanglo a, heivang hian Independence Day pawh ADC pathumte chuan a hrang in an hmang ta tih an thuchhuah ah an tarlang.
Lai DCC ten hun an hmanna ah hian Lawngtlai West MLA Pu C. Ngunlianchunga pawh telin, District Council chu 6th Secheduled hnuaia din anih ang takin, AMC Mayor leh CEM Rank khata an dah chu in hmuhsitna lian tak anih thu sawiin, hemi chungchang hi House a pharh tura a thehluh tawh thu a sawi.
Tags
News