Hripui leng vang a kan dinhmun atang hian, eng hun ah pawh Total Lockdown hi hmachhawn thut thei reng kan ni tih hi mipui lam hian an pawm a ngai.
Hri hi a hranin, a rawn lut ngawtlo hi a vanneih thlak a, a puluttu an awm a ngai a, mahni mihringpuite atanga inkaichhawn a nih vang hian, inven a harsa zual a, inkharkhip chu himna atana thaber nimahse, ram hausa zawk tan pawh inkharkhip reng theih a nilo tih chu a chiang lawi si.
Tuna Lawngtlai khawpui dinhmun hi hri vanga thlir chiang duh tan chuan, Total Lockdown hi hmachhawnrup thei dinhmun ah a ding tih hi kan pawm ngam a ngai a, heihi insawithaihna nilovin, hri laka kan tihtur mipui lamin kan tilo lutuk hian, kan duhloh, hripui hi a darh phah ang tih a hlauhthawnawm khawp mai.
News update kan hriat apiangin, mahni awmhmun ah, kan chiai a, khua a lo var a, kan ngaih a tha leh a, social distancing ngat phei chu, tutemah hian kan kalpui hleitheilova, Independence Day lawmna ah pawh, dar insi dawn dawn in thutna kan la rem a nih kha.
Kan fimkhur loh chuan Total Lockdown hi puan a ni thut thei reng a ni tih hria ila, pawm ila, hun khirh zawk kan hmachhawnloh nan i fimkhur ang u.
Tags
Editorial