Hrikai pakhat hmuhbelh, mi 91 khunghran mek an ni.

Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 91 a ni a. Nizanhmasa khan  

Zoram Medical College (ZMC)-a RT-PCR test atanga Lawngtlai District mi COVID-19 positive hmuh chhuah thar 1 a ni a, positive thar hi mipa kum 48 a upa, Maharashtra atanga lo haw, Lawngtlai Hospital-a enkawl lai mek, COVID-19 symptoms neilo a ni. Tihian  positive awm sa 3 nen  an vaiin mi 4 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.

Nimin ah  luh belh an awm loh laiin, khung hran hun bi hmang zo va, RT-PCR test-a negative Tourist Lodge atangin mi 1 chhuahtir a ni thung.

ZMC-a RT-PCR test tura Lawngtlai District atanga swab sample thawn tawh zawng zawng 1247 atangin result nghah lai 23 awmin, Lawngtlaiah Rapid Antigen Test hmangin sample 46 endik a ni ve tawh bawk a. Result hriat tawh chinah positive case 25 hmuh chhuah tawh niin, dama chhuak 21 an awm tawh a, enkawl lai 4 an la awm mek a ni.