Hrikai enkawldam pakhat chhuahtir a ni a, enkawllai CCC-ah mi 2 an la awm.

       Nimin khan CCC, Lawngtlai a Covid 19 Positive enkawldam pakhat chu chhuahtir a ni a,  Lawngtlai District-a positive case hmuh chhuah tawh zawng zawng 23 atangin dama chhuak 21 an awm  tawh a,  Tun dinhmunah positive case, CCC-a enkawl lai hmeichhe 2 an la awm mek a ni. 

       Lawngtlai District-a COVID-19 positive case, Zoram Medical College (ZMC)-a RT-PCR hmanga swab sample endik nawn vawi hnihnaa negative ta hmeichhe 1 chu nimin khan Lawngtlai Covid Care Centre (CCC) atangin dam taka chhuahtir a ni.

         

          Nimina positive dama chhuahtir tak hi hmeichhia, kum 54 mi, July ni 15, 2020-a ZMC-a a swab sample endik atanga COVID-19 positive a ni tih hmuh chhuah, July ni 28-a ZMC-a sample test nawna la positive, August ni 4-a endik nawn lehnaa negative ta a ni a. Lawngtlai CCC-a duty Dr Elsadai B. Lalbersiama'n discharge certificate hlanin, ni 7 chhung mahni in lama fimkhur taka inkhung hran chhunzawm rih turin CCC atang hian chhuahtir a ni.