Bualpui NG East bialtu MDC Pu K.Vanlalsanga chu Executive Member atan lakluh a ni

Kumkhat chuang Lai Autonomous District Council Sorkar, fuke a kimloh hnu ah, nimin Zirtawpni   khan Lawngtlai DC Dr.Andrew H.Vanlaldika chuan, Bualpui NG East bialtu MDC, Pu K.Vanlalsanga chu Executive Member atan rinawmna thu tiamtirin a lalut

Executive Member lakluhna inkhawm, Lawngtlai DC Conference Hall a neih ah hian LADC a CEM. Pu T. Zakunga, Chairman Pu V.Zirsasnga leh LADC Sorkar a mipawimawh leh sawmbikte an tel a, tihian LADC ah Executive Member awmthei tur zat pakua chu hnawhkhah a ni ta a ni.

Pu K.Vanlalsanga chuan, Executive Member atan a lakluh a nih hnu hian a Office luahnghalin, ram leh hnam tan  hma a lakna ah hetiang dinhmun luah thei a an hruaituten duhsakna an hlan chu lawmawm a tih thu sawiin, theihtawp chhuah a ram tan tan a lakzel tur thu a sawi.

He hun ah hian CEM Pu T.Zakunga chuan, LADC sorkar fuke kim a a awm thei ta chu lawmawm a tih sawiin, dan pangngai ang chuan tun sorkar hian term tawite chauh neitawh mahse, kutke kim a ram tan hna an thawk thei tur chu Sorkar tan pawh a lawmawm takzet a ni a ti.

Kumkalta 2019 June ni 26 khan Executive Member nilai Pu Lallawmsanga Apetow chuan Executive Member a nihna a bansan a, hemi hnu hian kum khat chuang LADC Sorkar chu fuke kimlo a a kalhnu ah kumin 2020 July 22 khan CEM in Pu K.vanlalsanga, Executive Member a a ruatna chu Governor chuan a rawn pawmpui ta a, Pu K.Vanlalsanga hian PHE, Industry leh Co-Operation Department te a enkawl dawn a ni.