HIV/AID Community Advisory Board an thukhawm

   Nimin khan Mapping of Population Size Estimation (MPSE) hnuaia din Community Advisary Board, Lawngtlai District  chuan Meeting vawikhatna neiin, hmalakdan tur leh Board kalphungtur te an inhrilhfiah

      CMO Conference Hall a he meeting hi Dr. S. Thaizy,District Aids Control Officer chuan a kaihruai a, Pu R. Laltanpuia, Project Officer. MSACS-NETSU, Lunglei chuan   MPSE thiltum leh hmalakna turte sawifiahin,  He Project in a tum chu HIV/AIDS chungchanga High Risk Group Hmeichhe inzuarte, Mipa leh Mipa inkawp te Lawngtlai District chhunga mi zawn chhuah a, enkawlna mumal tak pek an nih theihna tura hmalakna tur a nih thu a sawi a,  He Project hi thla thum chhung kalpui phawt ani ang a, he hnathawk tura thlanchhuahte chu uluk taka Training neihpui an nih hnu ah chauh  District chhunga khaw thlanbik ah te an feh chhuak dawn ani.

       Pu R. Laltanpuian  chuan, kumin October thla ah hian Lawngtlai ah ART Centre hawn hman tum anih thu sawiin, hei hian HIV/AIDS  vei ten harsatna an tawh thin a sutkian anih a beisei thu a sawi.

 

          Meeting ah hian tun dinhmunah Lawngtlai District chhungah HIV Positive 225 an awm mek thu sawilan a ni.