January, 2020 atanga Assam leh Arunachal Pradesh-a vawk thahnem tak an thih chhanah African Swine Fever (ASF) rinhlelh niin, he natna (ASF) hi Myanmar-ah pawh a thleng tawh a.
Tun thlengin African Swine Fever natna enkawlna damdawi leh a venna tur vaccine hi hmuh chhuah a la nih loh avangin leh he natna hi Mizoram chhung leh Lawngtlai District-ah te a lo luh loh nan Lawngtlai District Magistrate & Bawrhsap Dr Andrew H. Vanlaldika, chuan CrPC section 144-na tlawh chhanin August ni 6, 2020 khan a hnuaia mi ang hian thupek a chhuah.
1. Lawngtlai District chhungah khawi atang mahin vawk leh vawksa atanga thil siam reng reng lak luh phal a ni lo.
2. Vawk damlo an awmin District Veterinary Department hnenah report vat tur a ni.
3. Vawk talhtute'n an vawk talh tur reng reng Vety Doctor-te an hriselna a that leh that loh an entir ang a, Doctor-te'n certificate an pekte chauh an talhin an zuar tur a ni.
4. Vawk thi reng reng uluk taka phum tur a ni.
He thupek hian thu leh a awm a nih loh chuan puan a nih atanga thla 2 chhung a huam ang a. A zawm lote chu IPC section 188-na hmanga hrem an ni ang
Tags
News