Lawngtlai District mi state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 119 a ni a. COVID-19 positive mi 13 te chu Lawngtlai Covid Care Centre (CCC)-ah an hriselna dinhmun vil reng a ni a, ngaihtuahawm an awm lo.
Niminah luh belh emaw, chhuahtir emaw an awm lo va. Zoram Medical College (ZMC)-a Lawngtlai District atanga RT-PCR test tura swab sample thawn tawh zawng zawng 1077 atangin result nghah mek 27 a awm a. Result hriat tawh 1050 atanga positive case 21 hmuh chhuah tawhah dama chhuak 8 awm tawhin, tun dinhmunah positive case enkawl lai 13 a la awm mek a ni.
Lawngtlai District-a quarantine dinhmun chu heti ang hi a ni:
Government Quarantine Facility:
1. Tourist Lodge, Lawngtlai - 14
2. Circuit House, Lawngtlai - 24
3. PWD Inspection Bungalow - 8
4. Medical Quarters - 46
5. Covid Care Centre - 15 (Positive case 13)
Home Quarantine - 12 an vaiin mi 119 khunghran mek an ni.
Tags
News