Chawngte ah Thei atanga thil siamdan inzirtirna neih ani

     Nimin khan Chawngte ah Lakhuihthei leh Theihai atanga eitur siamdan, kuthnathawktute zirtir an ni.

  

       

      He Training, Post Harvest management processing of Mango & Pineapple  hi, Horticulture Department, Lawngtlai Division buatsaih niin, ,  ADHO Pu Hunlawmawma'n a kaihruaia,Chakma Autonomous District Council a  Chief Executive Member, Pu Roshik Mohan Chakma chu khuallian niin, Kut hnathawktu ten hlawk zawka an thei tharchhuahte an tihral theih na tur leh, awmze nei zawk a dahthat a nihtheih nan a kuthnathawktute zirtir an ni chu lawmawm a tih thu a sawi.

  

        Horticulture Extension Officer,  Pi Laldintluangi Ralte leh KVK Lawngtlai a Subject Matter Specialist,  Home Science,  Pi Vanlalruati ten Theihai leh Lakhuihthei atang Theitui, Jam leh Pickle siamdan te, a thu a an zirtir bakah, a takin in an tihpui bawk.