Lawngtlai District chhunga NH-54 chungchang ah DC in Contractor te a kawm

    National Highway-54 laihzauhhna thawhchhoh mek a ni a, Lawngtlai District chhung ah pawh engemawchen thawhchhoh a ni tawh a, kawngpui enkawl hna hi NHIDCL kut ah a awm vek tawh vangin, tun dinhmun a kawngpui chhelutuk chungchang ah nimin tlai khan Lawngtlai DC chuan NHIDCL hotute a kawm.

         Lawngtlai DC hian DC hna a rawn zawm atangin NHIDCL hotute hi tumhnih a kawmna ni tawhin, kawngpui zauhhna an la thawh lohna lai ah kawngpui khuar nasa lutuk, kal harsa laite siamtha turin a lo hrilh tawh a, hemi bawhzui hian engemawchen chu Contractor lam pawh hian an thawk niin a hriat.

           Hetihlai hian Lawngtlai leh Kawngchaw West inkar, a bikin, 71RCC leh Bawngkawn inkar chu kawngpui chhelai a  tam zualin, lirthei tan pawh hmun thenkhat lai chu chetsual palh mai hlauhthawnawm te pawh a awm tih helai paltlang thinte chuan an sawi a, Paithar VCP phei chuan kawngpui thawmthat a nihtheih nan hian Lawngtlai DC hnen ah ngenna a lo thlen tawh a ni.

         Lawngtlai DC chuan NHIDCL hotute chu helai Lawngtlai leh Kawlchaw West inkar kawng chhezuallai chu thawmtha turin a hrilh a, helai kawng thawmthathna thawktur Mizoram Techongraph hotute pawh bepawp nghalin, thilawmdan a sawipui nghal bawk.

         

         Hemi chungchang ah hian Lawngtlai DC chuan The Lawngtlai zawhna chhangin, kawng thawmthat hna chu thawh nghal thuai a beiseiawm thu leh DC Office lam chuan an enzui reng tur thu a sawi.