Nimin a ZMC a Lawngtlai atanga Sample thawn 44 endik atangin mi pakua Covid 19 Positive hmuhchhuah niin, tun dinhmun ah Lawngtlai a Covid Care Centre ah hrikai 13 enkawl mek an ni.
Hrikai hmuhchhuah tharte hi Hmeichhia pasarih leh Mipa 2 niin, Assam leh Bihar atanga rawn haw an ni a, an vai hian Covid 19 natna lanchhuahna neilo an ni.
Lawngtlai District Hospital a Medical Superintendent Dr.Zothanpari Chhakchhuak chuan The Lawngtlai Post zawhna chhangin, tun a hrikai hmuhchhuah thar te bak ah, enkawllai an lo neihsa mipali te dinhmun chu a tha a, ngaihtuahawm an awmlo.
Hetihlai tundinhmun ah Lawngtlai District chhung ah khunghran lai 114 awmin, nimin khan Khung hran hun bi hmang zo tawh leh RT-PCR test-a negative, mi 18 chhuahtir an ni.
Tags
News