Editorial | LADC IN JOURNALIST TE A NGAIHSAK

       CEM chuan MJA Lawngtlai District Member ten Pension an neih theih nan a dan siam chu a tlangzarh a, he Pension neihtheih nan a a bultumtu chu LADC a ni a, a lawmawm khawp mai.

 
      Journalist te hian an thatlai zawngin ram leh hnam tan theihtawp an chhuah a, an thawhtheihloh hun an maipar thlawn mai thin a, heivang hian, an intuamhlawmna tur ngaihtuahsak nachang hria LADC sorkar hian Mizoram hmundang a la awmlo Journalist Pension bultanna tur a ruahman hian fak pawh a hlawh viau a ni.

           Sorkar hian mirintlak leh ram tana thawktute dawm kang tur hian Political Party a en lova, hei hi tuntum a Council Sorkar in Journalist te duhsakna a lantir ah pawh hian, sawirik nilo mahse, a riring lai tak niin a hriat a ni.

            Ramdang chu sawiloh, Mizoram chhung a District ah, District thar tellovin, Lawngtlai District hi Journalist tlemna niin,  mipui lam pawn tualchhung Journalist te an bengkhawn lutuk lohna hmun a nihna chen a awm thei ang, hetihlai hian Mizoram a District zawng zawng ah Aizawl tihloh ah chuan TV News leh Newspaper lam luah tamtu chu Lawngtlai District hi a ni lawi a, heihian kan Journalist te thawhhlawkna pawh a tilang in a rinawm.

 

           An hnathawh leh an hmalam hun hrechiang a Journalist te ngaihsaktu LADC hian Mizoram ah bul a tan chho a, he thil hian entawn pawh a hlawh ngei ngeiin a rinawm.