DLTF Chairman in Thingkah a YLA Duty Post a tlawh

         Lawngtlai District Level Rask Force on Covid 19 Chairman, Lawngtlai DC, Dr.Andrew H.Vanlaldika chuan nimin tlai khan Thingkah a YLA  Duty Post a tlawh.

            DC hi Central YLA a Genreal Secretary Pu JH Lalrindika bak ah Duty lai mek Lawngtlai-III Branch YLA hruaituten an lo dawng sawng a, DC chuan, kawngpui lun leh pawimawh tak ah, YLA te chhunzan zawm a an duty chu thlamuanthlak a tih thu sawiin, YLA vangin mipuite thlamuantak in an awmtheih phah a ni a ti a, an duty dan leh kalphung an neih te YLA hruaitute hian DC hi lo hrilhin, hmalakzui dan turte an sawiho nghal.

         YLA hruaitute chuan a bikin State pawn atanga lirthei rawnlut, Lawngtlai khawpui chhung a bungraw unload tur te chu DLTF in dan a siam angin, zanlam a unload chauhtur a nihvanga, ramri ah an lo din khawmuan tir thin thu DC hi an lo hrilh.

       

         DC hi Additional DC Pu K.Laltlawmlova, SDO(S) Pu V,Lalruatliana bakah MJA Lawngtlai District hruaituten an tawiawm.