Ramri ah Medical Duty Team dahturin LSA ten Health Minister an ngen

        Lai Students' Association General Hqrs. Lawngtlai chuan Covid 19 vangin, Lawngtlai District chhung, ramri dep khua ah te Medical Duty Team dah turin Health & Family Welfare Minister hnen ah ngenna an thlen.

  Lai Students' Association chuan nimin khan Health Minister hnen ah hian ngenna hi ziakin an thlen a, Coronavirus vangin mipui thla a muanglo hle tih tarlangin, thenawm ram atanga zin veivak te atang in he hrileng hi kai ve mai palh an hlauhthawnthu leh ramri dep khua ah te Medical Duty Team dah turin Minister hi an ngen a ni.

       

                Lawngtlai khawpui bik ah chuan he hrileng laka invenna an hriat chhun chu hmaitua mna (Mask) vuah a ni deuh mai a, zirna In thenkhat chuan an naupang te chu Mask an vuahtir a, Lawngtlai District hi ramdang pahnih, Bangladesh nen Kilometres 155, Myanmar nen Kilometres 120 vel zet ramri intawm a awm a ni a, Sorkar hriatpui      na a, mumal taka inkalpawhna a awm fumfeloh laiin, heng ram pahnih atang      hian District chhung a lut leh chhuak hi an awm deuh reng thung a, heivang hian he hrileng hian mipui a tithlabar zualin a hriat a ni.