Novel Coronavirus (2019-nCoV) vangin, Mipui ten invenna an hriatlar an hmang mek.

          Tunlai a khawvel a hrileng Novel Corona Virus chu Lawngtlai khawpui a chengte pawn an ngaihvenin, he natna laka invenna awlsam an hriatlar , hmaituam chu an intihhmuh chho mek.

           Novel Corona Virus laka inven nan khawlai a lengchhuak leh dawr nghak thenkhat chuan hmaituamna (mask) an vuah a, zirna In thenkhat ah phei chuan zirtirtu leh zirlai ten chawlhkar khat hmalam atang tawh khan Mask hi an lo vuah tawh a ni.

             

          Lawngtlai District hi  Bangladesh nen Kilometres 155, Myanmar nen KM 120 vel zet ramri intawm a awm a ni a, Sorkar hriatpuina a, mumal taka inkalpawhna a awm fumfeloh laiin, heng ram pahnih atang hian District chhung a lut leh chhuak hi an awm deuh reng thung a, heivang hian Novel Corona Virus lak ah pawh hian invenfimkhur a ngaizual a an hriat thu he hrileng mek ngaihventute chuan an sawi.