Mizoram khawdang aiin Lawngtlai hi a bal thin, Faina lama inelna ah pawh dinhmun sang tak a luah ngai meuhlo, a chhung ah lirthei manto tak tak leh thawmhnaw tha tak tak nen leng mah ila, khawpui a fai siloh chuan, khawpui changkang a nitheilo, heihi Faina lam ngaipawimawhtuten an vei takzet a, NGO lianber chuan kumpuan thupui atan Faina leh Thianghlimna tih a thlan phah hial a nih hi.
YLA hmalakna ringawt a tawklo, mithahnemngai ten an thawh ringawt a tawk zolo, midang te Faina lam a hmalak a tul zia zirtirna uar taka kalpui ringawt hi a tawk zolo, heihi hriain, mahni ngei penchhuak a, faina lam a hmala hriattur an awm deuh reng, hengte vang hian Faina lam a hmasawnna chu hmuhtheihin Lawngtlai khawpui hian a rah a seng chho mek hi a lawmawm khawp mai.
Faina lam a hmalakna hi hunbik nei a kalpui chi a nilova, eng hunlai pawh hi, mitinte hian Faina lam a hmalaknan hmang ila, chu chuan Lawngtlai khawpuiin faina lama hma a sawn chho mek na hi a chhem alh nasa ngawt in a rinawm a ni.
Tags
Editorial