KOLODYNE MUSIC FESTIVAL KHA

        Mipuite tan a thilthar, Kolodyne Music Festival chu DC pahnihte ruahmanna hnuai ah neih a ni a, kha Festival khan Social media leh tuallai titi thlengin hmun a luah chho a, tul tilo fe fe an awmlaiin, khatiang kha huaihawt thin duh an awm nual bawk.

      Kha Festival khan thuken lian tak tak , Ruihhlo laka fihlim, Platic bawlhhlawh tihbo, Bawlhhlawh siamlo zawng a khawsak a keng a, khangte kha Festival huaihawt chhan ber pawh niin a lang a, khang ang zirtirna kha, intihhlimna neih pahin, a chhimtu mipui a tuh kha a tumber pawh niin a hriat a ni.

         A hlawhtlin leh hlawhtlinloh chu tun a tehfung lo lek ngawt theih niin a hriat lova, kha Festival chhimtute ah a innghat tlat a ni.

       Khatiang Music Festival ang chi kha, huaihawt fo theih a nih chuan, mipui nawlpuiin an chhimphak a chhawpchhuah a itawm viau laiin, hlim dan thiamlo, mipuite hi khatiang kha chhawptlak kan ni em tih pawh inenlet a fuhin a rinawm.

       

Engpawhnise, sum tamtak sengin Music Festival buatsaih a ni a, khata sum senral kha thildangah, tangkai zawka hmanna tur      hria pawh kan tam    ang,  thuneitu lam ten mipui tana tul leh tha a an hriat a ni a, kan hlawkpui ngei ang tih hi ringngam ila, rimtakin mahni hna ah buaiin, hawikhawi thawnna   hun pawh nei manglo, kan khawpui ah pawh an tam hle tawh,       heng mite tan hian   Music Festival kha a hlu ngawtin a rinawm a ni.