Kangmei Ven Hapta hawn a ni

    Nimin khan Fire Prevention Week (Kangmei Ven Hapta) 2020 chu  DC Conference Hall-ah Lawngtlai Additional DC, Pu K. Laltlawmlova,  chuan a hawng.

       Pu K. Laltlawm lova chuan kan ram hian keimahni lo chu hmangaihtu tur a neih loh avangin kan humhalh a tul tiin, kangmei ven kawnga sawrkar hma lakna chu mipuiin thlawp a, lo hal hun atana a bi tuk March ni 15 pawh zawm hram tum turin a ngen a. Kangmei chhuak avanga ramngaw mai ni lo, in leh lo kang ral awm thin chu veng turin sawrkar leh tlawmngai pawl hrang hrangte tan rual a tul tak zet tih sawiin, kumin Fire Prevention Week thupui, "Kangmei chhuak tur veng la, i ram chhan rawh," tih chu nunpui theuh turin kal khawmte a chah nghal.

        He Week hawnna hi LADC-a District Council Conservator of Forests Pu K. Lalromawia'n kaihruaiin, Fire Prevention Week chungchang a sawi fiah a. Deputy Conservator of Forests (Wildlife) Pu C. Lalthankima kaihhruaiin mipui kal khawmte chuan ram tikang lo tur leh ramngaw leh nungchate humhalh tura thutiam an sawi rual bawk.

         

          Fire Prevention Week hawnnaah hian sawrkar department hrang hrang leh LADC-a officer te, VC leh tlawmngai pawl lam te an tel.