Editorial | MORAL REFORMATION KAN MAMAWH

        Zoram mipui te mamawh lianber enge ni ang? tiin inzawt ta ila, chhanna a inang lo viauin a rinawm a, chhungril lam dikna leh rinawmna neih kan mamawh zia chu mi tamtak chuan chhanna tling ah an ngailo maithei. 

Hetiang hi lo ni pawhnise, midang pawisaklohna te, mahni hmasialna te, rinawmna leh dikna tlahniam chho mek te, tualzal nun ralmuanglo leh pawikhawihna chi hrang hrang tam ta te hi mihring punchak vanga thleng anga ngaih ni fo mahse, a bul ber ah chuan chhungril lam ah dikna leh rinawmna ram mipui ten an tlakchham nasat tak vang ni ber in a hriat a, tlawmngai taka ‘nangman nei zawk rawh’ ti thin te thlah  kalzel ah hian, mahni sahmim tihpuar tum a, a thim a var pawh thlu  lova pawisak nei manglova tal an awm fo te hian, nunphung danglam chhoh nasat zia a lantir a, aia upa zahna leh nundan zemawi nunpui aia, mahni induhtawkna nei a, midang ngaichang manglo an awm  fer fur te hian ram mipui te hian siamthat an mamawh a,  an mamawh lianber te zing ah Moral Reformation hi niin a hriat a. Hmasawnna hi a zuan in zuang duai duai pawh nise, nunphung dik ram mipui ten an zawh siloh chuan hmasawnna chuan awmzia a nei thui lo anga, a chhawrtur angin chhawr a ni in a rinawmloh ani.