Novel Coronavirus vangin khawvel ram hrang hrang ten ralkheldar an khawngri a, he hri lentanna China ram phei chu kharkhip a ni chho mek a, he hrileng hian ngaihven pawh a hlawh hle a ni.
India ram ah pawh he hrivei hi hmuhchhuah a nih thu te hriat ni tawh mahse, Mizoram ah chuan hmuhchhuah a la nilo niin a hriat a, hetihlai hian, he hrileng lak ah hian Lawngtlai District hi fimkhur ngaizual tak a nihtheihna lai a awm awm e.
Ramdang, Myanmar leh Bangladesh nen ramri thuitak intawm, Lawngtlai District ah hian, he hri hi rawn pulut an awm theih mai hlauhthawnna pawh a awmtheiin a rinawm a, a pawimawhber ah chuan, mitin te kan fimkhur tlan a, mithiamten tihtur leh tihlohtur an sawite zawmthat hi a ni ngei ang.
Hetihrual hian Sorkar lam pawhin, mipuiten an hriattur awm ang te nasa zawka an puanzar a pawimawhin a hriat a, hriatlohna vangin, mipui an chiai chiam thei a, hriatlohna vang bawkin he hri hi a darh nuai thei bawk si a.
Tags
Editorial