Lalbiaknunga(L) & Lalnuntluangi te fanu niin, kum 2015 khan SYS dept,LADC enkawlna hnuaia Boxing zirna, Dokulha Hall ah Boxing hi arawn zir ve tan a.
District level leh Mizoram State level Championship ah hian Gold Medal ringawt pawh sawm (10) vel alo hnekchhuak ve tawh ani.
Kum 2018 tawp lam khan SAI Aizawl Centre a awmturin atling ve a, 2019 kumtawp khan Mary Kom Boxing Academy Imphal - Manipur a awmturin thlanchhuah leh ani a, hemi hnu atang phei hi chuan chak leh zualin hmalam apan ta zel ani.
National level ah Mizoram aiawh turin a inlan ve nual tawh a, Rohtak- Haryana a All India Inter-SAI Boxing Championship ah Champion_ in, Nov, 2018 khan Assam - Ghy ah 64 National School Games akhel a, Jan, 2019 khan Pune - Maharastra ah Khelo India Youth Games khel lehin, Jan, 2020 khan Assam - Ghy ah All India Khelo Games ropui taka neihah khan kan Lawngtlai District atangin amah chiah hi khelpha awmchhun ani tawh bawk ani.
International Level Golden Girl Boxing Championship, Boras - Sweden ah 1-3 feb, 2020 chhunga khelh turah India aiawha inhnek turin thlan (select) arawn ni ve ta hlawl maia, hun chep tak karah, All India Khelo Championship, Ghy a an inkhelhna hmun atangin India training camp zawm turin achhuk tlang nghal a, Pathian hruaina leh awmpuina in tluang taka zu khel theiin junior level ah International Silver Medal hlu tak hi arawn hawn thei ta ani.
Hei hi abultanna chauh nise, akal zelna turah hlawhtlinna nasa zawk leh tha zawk achan chhoh zel theih nan, theihtawpa kan puih bakah kan tawngtaipui zel dawn nia..
Rudy go go.. better & higher performance, only the sky is limit for you, you, are a new hope of Lawngtlai Dist.
-Thathluna Chinzah, DCS&YO
Tags
News