Zeng natna umbo tur a beihpui thlakna chu, DC hovin bultan a ni.

         Nimin kha National Immunization Day a ni a, he Ni denchhen hian naupang kum nga hnuai lam hnen a zeng hri venna  pek beihpui, Lawngtlai District ah neih tan a ni.

        Don Bosco School, Lawngtlai a beihpuithlakna hawnna ah Lawnghtlai DC, Pi Shashanka Ala chuan, Lawngtlai District chu ramdang, Myanmar leh Bangladesh nen ramri thuitak intawm a nih vangin, zeng hri danna hi a la turten kimtak a an lak a pawimawh a, thenawm ram ah zeng hri vei hmuhchhuah a la nih vangin, fimkhur a ngai zual a ni a ti.

         

Lawngtlai District chhung ah hian khua 198 awmin, nimin atang khan naupang kum nga hnuai lam te zeng hri danna pek hi tan nghal a ni a, khua leh veng tin ah, a pekna tur hmun bik ruahman ah pek phawt niin, heta la pek loh te chu an In lam ah kalchilhin pek an ni dawn a ni.