Land Owner ten March thla thleng sorkar a ngaichang dawn

KMMTTP in ram a tihchhiat neitu intelkhawm, Lawngtlai District Land Owners Association, Executive Meeting nimin a Lawngtlai Bazar a an Office ah neih chuan, zangnadawmna an hmuh ngei theih nan a Sorkar hmalakna ngaichan zui phawt nise, tun a Sorkar in Detail Project Report siam tawh a cancelled chu hnuhkir a nih loh chuan  helai kawngpui sial hna thawktute chu March thla atangin an hna chawlhsan tur a hriattir leh nise an ti.

Land Owners Association hruaituten  an sawidan in, January 17 khan  LADC a Chief Executive Member hovin, Council a Executive Secretary leh Senior Revenue Officer leh Land Owner Association hruaitute chuan State Sorkar a Additional Chief Secretary Pu Ramthanga hmuin, zangnadawmna tihfel thuai an duh thu leh an hmalakna te an thlen a, Sorkar chuan a tihfel sak thuai an beisei tih an sawi.

KMMTTP Compansation hi a tir ah ram a tihchhiatsak ni a insawi mi 1024 awmin, hetatang hian vawi engemawzat Joint Verification neiin thlitfim a ni a, tun dinhmun ah mi 303 te chu Compansation latur hian tifelin, an lakzattur nen ruahmanfel a nih hnu ah Sorkar chuan a Cancelled tih Ram neitu intelkhawmte chuan sawiin, he cancelled order hi hnukir a nih loh chuan, na zawkin zangnadawmna an hmuhtheih nan hmalak an tum tih an sawi