Tunhnai a Bungtlang South tlangval, Nghalimlui khaw bul a a ruang chhar a nih nghawng kalzel ah, Nghalimlui a chenna In chhia te chhawmdawlna tur nimin khan Lawngtlai West MLA, Pu C.Ngunlianchunga'n a sem.
Lawngtlai West MLA hian nimin khan Nghalimlui khua tlawhin, vantlang inkhawm neih ah Pu C.Ngunlianchunga chuan an khaw thil tawn chu an rinna tichaktu, Pathian lam hnaih nan a khawtlangin an hman a duh thu a sawi a, Nghalimlui a Relief Committee kut ah Sorkar atanga tanpuina awmthei ang ang, MLA in a haichhuahte a hlan a, vawiin a Lawngtlai West MLA in chhawmdawlna a pekchhuah hi pawisafai leh Silpoulin niin, pawisa a pek hian In chhia 59 siam nan a sum senral chu a rul thei vek a ni.
Lawngtlai West MLA hian nimin vek khan M.Kawnpui khua a hmasawnna hna thawh thenkhat a en a, naktuk lam hian a bial chhung a khaw thenkhat a tlawh anga, Lawngtlai ah a riak lut ang.
Lawngtlai West MLA hi, LADC a Town Committee Chairman Pi N.Sangnawni bak ah, Lai District Congress Committee a hruaitu thenkhat ten an tawiawm.
Tags
News