Police leh BSA ten thuchhuah an siam

Bungtlang South tlangval Lalrawnliana thihna ah, Lawngtlai Police chuan  thuchhuahsiamin, tualthattu ni a rin mi pathum man an nih tawh thu an tarlang

Police thuchhuah a tarlan a nihdan in, Vasei Police Station ah January 12 khan thubuai ziahluh a ni a, tualthattu ni a rin mipathumte chu man tawhin Jail ah dahluh an an ni tawh tih an sawi a,  mipuite chu thu belhchiandawllo leh hnam leh hnam inkar a buaina chawkchhuak thei thehdarhlo tur leh misual chu hrem ngei an nih theih nan Police hnuchhui tibuai thei zawng a awmlo turin mipui te an ngen,  

       

            Bru Students Association Gen. Hqrs, Aizawl chuan  thuchhuah siamin, Tv. Lalrawnliana Kum 32, Pu A. Lalhmuaka fapa, Bungtlang South khua rawng taka thah ani chu an dem thu leh, Sawrkarin a titute rang taka a man chhuak chu lawmawm an tih thu te, Lalrawnliana thattute chu an phutawk hremna pe ngei tura an duh thu  an tarlang a, He tualthihna avanga Nghalimlui khaw mipuite chenna in leh lo tihchhiat ani chu pawi an tih thu te, In leh Lo tihchhiat avanga chenna tur nei mumal lo a awm mekte chu Sawrkarin ngaihven zui se an duh thu leh, hetiang thil duhawm lo hi tun hnuah thleng nawn tawh lo  an duh thu an tarlang