Faina lama hmalakna hriattur a awm chho leh nual tawh

      Faina leh thinghlimna lam a Lawngtlai District chhung a hmalakna chu, Krismas leh kumthar vuatvet ah, pawl anga hmalakna chu chawlhsan hret a nih hnu ah, kumthar ah hmalakna hriattur a awm chho leh nual tawh.

       Kar kalta  chhung khan Lawngtlai-III vengchhung a bawlhhlawh te thianfaiin, tuiluankawr te tihfai a ni a, khawpui daifem kawngkam a leivung paih te pawh Central YLA Kumpuan Committee lam chuan an thianfai bawk.

        DRDA Lawngtlai chuan faina hnatlang neiin, DC Office lanna kawng kam a bawlhhlawh te an chhar fai a, tuihawkluankawr te tifaiin, Project Director Pi Marilyn Rualzakhumthangi hovin faina hnatlang hi an nei a, hunawl remchang ah hnatlang hi neih zui zel an tum.

         

         Lawngtlai District chhung ah kum kalta chhung pawh kha faina lam hawi a hmalakna hriattur a awm deuh reng a, YLA ten kumpuan thupui atan Faina leh thianghlimna an hman bak ah, LADC a Sanitation Department chuan bawlhhlawhte a paihna hmun ah an paih reng bawk a, Swachh Bharat Mission hnuai ah PHE Department leh UD&PA lam ten hmalakna an kalpui reng bawk a, Faina lam a District hnufual nithin chu, a danglam chho mek a ni.