Tunhnai ah Bungtlang South tlangval thihna ah, chi leh chi inkar a hemthlak tum a, thu eng eng emaw thehdarh hriattur a awm nual a, hetiang tih chingte hi an demawm takzet a, thuneitu lam pawh chhuizuiin, hremna an chungah lekngei se a tha in a rinawm.
Social media kan hmandan ah, smart phone hum tu zing ah, smart miahlo kan tam lutuk hian kil hrang hrang atangin an smart loh zar hi kan zo fo a, heitiang hi tawpthut thei a nilova, khawvel ram lian zawk ah pawh buaipui nasat pawl a ni a, hetichung hian, tute vanduaina emaw behchhan a, boruak tisosang zawng a thu lo thehdarh ang chi hi demrawn ngam a pawimawh a, thuneitu lam ah pawh hriattir zung zung a tul khawp mai.
Ditak chuan Bungtlang South tlangval tualthihna ah hian a hria apiang rilru a natakzet a, a bikin, Laifate te phei chu a nazual ber zing a mi an ni. Laifa te chu , chi leh chi, hnam leh hnam anga boruak duhawmlo thleng thei zawng leh thilduhawmlo thlenbelh thei lak ah pawh hmala nasa ber an ni hial ang, hetiang ang rilru chhia, chi leh chi inkar a boruak hring chhuak tur zawng hian an ngaihtuahna pawh a kalchhinlo, tualthihna chu na takin an dem a, misual man an nihtheihnan theihtawp an chhuah zawk a, hetiang ang ngaihtuahna fim leh dik, a ram neituten an put lai a, pawnlam atanga boruak tialh zual tum a bei an awm hi a fuhlo takzet a ni.
Tags
Editorial