Nominated Member te chungchang chu Governor kut ah dah a ni

        LADC a Nominated Member ten Sorkar bukna ah vote an neih thei tur a ni ti a, Nominated Member ten High Court a an thlen chu, Governor in thlutlukna a siam tur atan dah a ni.

          The Lawngtlai Post thudawnna in a sawidanin, Nominated Member Voting Rights chungchang ah hian Guwahati High Court Division Bench chuan tunhnai khan thutawp siamin, LADC dan ah inhnialna a awm chuan Governor thutlukna chu lal ber tur a dah a nih vangin, Nominated Voting Rights pawh Governor in thutawp a siam tur a ni tiin thutlukna a siamfel.

         LADC a Nominated member te hian Sorkar bukna ah vote an neihtheih nan Guwahati High Court Aizawl Bench ah thu an thlen a, hemi hnu hian Division Bench ah kal leh in, Division Bench chuan Governor kut ah thutawp chu a dah a ni.

  

       

 Hetihlai hian LADC chungchang tho a Division Bench a thuthlen, Member panga te, Member an nihna hlihsak tumna  chu February 2, 2020 khian Division Bench chuan a ngaihtuah leh dawn        a ni.