Social Media lam chhiartur zing ah, midangte tlinlohna emaw, duhkhawplohna hi a tam pawl tak a ni awm e. Sorkar chu Ruling Party zawng in sawisellohtur, Ruling lo zawngin sawiseltur ti ni awmtak hian, rem leh remlo a fakna te, thil awmanglo pui pui a sawiselna thute hmuhtur a tam thin ngawt mai.
Mimal nun atanga ram inrelbawlna thlengin, insawiselna hian rahtha a chhuah mawh viau a, tumah tling leh tha tluantling kan awm loh vang hian, mi kher peih tak te pawh hian, lipse an dawl tak tak lem lo fo a, hetiang hi kan nihphung a nih miau vang hian, insawisel a, inep a, in tai ai chuan, inchhem alh tawnna nun hian chhungkua, khawtlang leh ram nuam a siam a, khawsak hona a tinuamin, hmasawnna pawh a chak ngei ngei thin.
Keini ho hi, thawmhnaw rawng kan duh zawng a inanloh vang mai a, infak leh in chawimawi te kan hreh a nih chuan, thenawmte nuih tizatu ah kan tang mai ang tih a hlauhawm viauin a hriat a ni.
Tags
Editorial