LADC hnuai a Office te nimin atang khan hawn tan a ni

Lawngtlai District chhung a Office lianber leh hnathawktu tam berna, Lai Autonomous District Council hnuai a Office te chu nimin atang khan kumthar atan hawn tan a ni.

LADC a Executive Secretary, Pu H.Lalramenga chuan, LADC hnuai a hnathawktu kumthar chibai bukin, ram leh hnam tan nasa zawk a tanla tur a chah in, theihtawp chhuah a an hna theuh thawktur in a chah a, an hnathawh ah harsatna an neihte a hnen a thlen hreh lo tur a hrilhin, inpekna thar nen kumthar ah hunhmang turin a chah a, Executive Secretary chuan mipui lam pawh LADC Sorkar an dawrna ah duhkhawploh emaw, harsatna an neih te chinfelpui tur a a inhuam reng thu a sawi bawk.

            Nimin a LADC Office hawn tanni hian Chief Executive Member Pu T.Zakunga leh Executive Member engemawzat chuan an Office an luah nghal a, Office kaitan ni hian Department hrang hrang te chuan infuihtharna leh Pathian hnen a inhlantharna hun an hmang a, a nawlpui a kumthar atan inhlantharna chu tunkar Ningani khian neih tur a ruahman a ni. LADC hnuai ah hian hnathawktu an vaiin  1800 an awm mek.

Hetihlai hian State Sorkar Office te pawh mumal zawkin an inhawnmg tan tawh a, kumthar lawmna programme, kohhran lam ten an khar chhoh tawh hlawm vangin, khawpui chhung nunpgung pawh a pangngai chho tan tawh.