Zepruallohvin Mizoram hian mipuitan a thlamuanpui tham tharchhuah a nei lova, Delhi drip khai a nung ni a Politician thenkhat ten an sawi hi a dikna chhin a tam awm e.
Chhungkua angin sawi ta ila, fate kumtling tawh, engmah thawhchhuah neilo chu chhungkaw pa tan manganpui tham a tlingin ngei anga, a bultan nan kawng hrang hrangin hmalaksak a nih hnu ah pawh, awmzia a neihzui loh chuan a beidawnthlak viau in a rinawm. Central hian ram mipuite chu dinhmun pangngai a an dintheih nan hmalakna hrang hrang a kalpui reng a, State Sorkar pawhin ruahmanna hrang hrang siamin, chungte chu Inthlan dawn a Political Party ten an hmel an cheina ber a ni thin. Engtiangpawhin ruahmanna hi thase, a kalphung a fuh loh chuan awmzia a neilo ang bawkin, a chhawrtutur ten tihtak takna an neih si loh chuan, thilthatak, awmze neilo ah a chang mai thin.
Pi leh Pu hunlai atanga chhungkua, khawtlang intodelh nih tum tlat thin te ah, midang rinchhan a khawsak mai mai tumna lianta viau ni a langte hi a pawi a, chawmhlawm State nihreng hi a theih loh a, hmanraw hriam zawk hmang hian Sorkar hian mi
puite a nuai hret hretin a rinawm a ni.
Tags
Editorial