Boruak nuamtak hnuai ah hunpui hmanliam a ni a, khawlai boruak a nuamin, a muanawm viau a, khangtiang ang a boruak zalen leh nuam kha a awm khat viauin a rinawm.
Hunpui vuatvet a boruak vawng nuamtute chu YLA leh Police te an ni tih hi thil chiangsa a ni, kumin ah pawh an ni inpekna vangin khatiang ang boruak nuam kha neithei kan ni a, a bikin Police lam chu an hna kallai ah ngaihtheih a nihlaiin, YLA lam inpekna leh thawhrimna hian fak a phuin, a thlamuanthlak ngawt mai.
Boruak nuam leh muanawm hi tanrualna atanga chhuak a ni a, Sorkar leh Tlawmngaipawl, Village Council te ngenna mipui lamin an ngaihpawihmawh leh an zah thiam vang a boruak nuam tak hnuai a hunpui hmang thei kan ni tih a chiang a, heitak hi a hlu khawp mai. Thalai ten khawlai a sahawk a, midang tan a ninawm leh hnawksak, bengchheng siam chu mawlna lantirna a ni tih hriain, nuam leh hlim tak si, midang tibuai lo zawng a hun hmang thiam an tam ta viau mai khan, Lawngtlai khawpui changkan zia a tifiah a, a mawlzual deuh tlem ang zawng chu awmloh theihloh a nih laiin, a nawlpui a chhutin thalaite ah hmasawnna a lang kha a hriat a nuam khawp mai.
Tags
Editorial