Nghalimlui khawtlangin Bungtlang tlangval thihna pawi an tih thu an sawi

         Tunthla Ni 11 a Bungtlang South tlangval, A.Lalrawnliana ruang, Nghalimlui khawbul a hmuh a nih chungchang ah, Nghalimlui khawtlang chuan thuchhuahsiamin, A.Lalrawnliana rawngtaka thah a ni chu pawi an tih thu leh, pawikhawhtute an demin an haw takzet tih an sawi.

Tarlan tawh angin  Bungtlang South tlangval A.Lalrawnliana hi Nghalimlui a lungphunna a tel chu January 4 atangin a chin hriatlohvin a bo a, ngawrhtaka zawn a nih hnu ah January Ni 11 khan Nghalimlui leh Vaseikai inkar Airtel Tower bul, lui kam ah a ruang hmuh a ni a, an khawtlangval thihdan ah hian Bungtlang South khawtlang chuan lungawihar an tiin, mikuttuar a thi ngei a nih an rin thu leh, tualthattute manchhuak a, an chungah hremna natak lektur a an duh thu te aupuiin, tunkar Thawhlehni khan Vaseikai atangin Nghalimlui thleng kawng an zawh nghe nghe a ni.

       Nghalimlui khawtlang in thuchhuah an siam ah chuan Social media lam ah thudiklo tak tak thehdarh a ni chu pawi an tih thu tarlangin, chi leh chi, khua leh khua inkar a hemthlak tum a thuthehdarh ang chi a awm leh a nih chuan, thuneituten hmala se an duh thu an tarlang.

       

Hetihlai hian Lawngtlai Police te chuan, tualthattute ni a rinhlelh mipathum, Chondro Bahadur Tuisentlang, Vanlalnghaka leh Donha, Tuichawngtlang ve ve  te chu man tawhin, Lunglei lam ah an chungthu rel turin thawnfel an ni tawh.