Ni 5 awhtur NISHTHA Training neih mek a ni

Ninga chhung awh tur, National Initiative for School Heads' and Teachers' Holistic Advancement, NISHTHA Training chu nimin atang khan Lawngtlai ah neih tan ani.

He Training hawnna LADC Conference Hall a neih ah Khuallian Pu C. Lalneihkhuma, Executive Member, LADC, Primary School changtu chuan khawvel hmasawn zel leh changkang zelah, thil thar a chhuak zel a, kum upa lam nih hnu ah pawh zirtur a tam em em a ,tun tuma Mizoram Sawrkar ruahmanna a District hrang hrang a Zirtirtute tana NISHTHA Training an buatsaih hi Zirna kawnga nasa taka puitu anih ngei a beisei thu sawiin, Zirtirtu kalkhawmte chu an thil zirte hlawkpui ngei tur a thahnem ngai turin a fuih a, an thil zir ang taka naupangte hnena hmasawnna thlen ngei turin duhsakna a hlan bawk.

He hun hi Pu Huanneihmawia, Education Officer, Primary LADC chuan a kaihruai a,  Pu H. Laltanpuia, Dy.DPC. RMSA. Lawngtlai District chuan he Training an buatsaih chhante sawifiahna leh Education Department chuan he Training hi a ngaih pawimawh hle thu a sawi bawk.

NISHTHA Training hi Central sawrkar ruahmanna in, State Sawrkar hnuaia District hrang hranga Primary School Headmaster leh Zirtirtute tana neih vek tur tih anih angin, Mizoramah pawh kumin November ni 25 khan bul tan ani.