Nu naupai leh pawm te tan a hamthatna PMMVY Week, DRDA Project Director in a hawng

     
         Sorkar laipuiin, nu naupai ten hriselna tha zawk an neih theih nan a hmalakna a kalpui, Pradhan Mantri Matru Vandhana Yojana (PMMVY). Week,  Matru Vandana Saptah 2019 chu nimin  khan  DRDA, Lawngtlai a Project Director, Pi Marilyn Rualzakhumthangi'n a hawng.

           Hapta hawnna inkhawm, DRO Conference Hall ah neih, Pi Vanlalhruaii, ICDS a District Programme Officer kaihhruai ah, Pi Marilyn-i chuan, hmeichhia te chu a bik a ngaihsakna an dawn a tulzia Sorkar chuan hriain, kawng hrang hrangin hma a la mek a, tun a Hapta hman tan tak pawh hi, fatir pai leh hring ten hamthatna an dawnna tur a nih vangin, hetiang ang mi zawnchhuah leh kawng kawhhmuh kawng ah thawktute chu thahnem ngai zual turin a chah a. Hmeichhia te chu an pasalte chhungkua ah lutin, inthlahrung takin, mahni mamawh leh hriselna tur pawh ngaihtuah ngamlovin an awm thei a, sorkar laipui chuan hmeichhe dinhmun dawmkan nan a hmalakna hi a ngaipawimawh takzet a ni a ti.

              Nl. F. Lal- engvari District Project Coordinator PMMVY chuan, fatir pai leh hring ten sorkar atangin,  Rs.5,000/- an dawn theih thu leh, dan angin an inziahluh a ngai a, an tihtur te an tih hnu ah, Rs.5,000/- chu  an rai lai atangin, fa an hrin hnu thleng in, Rs,1,000 in tum khat, Rs.2000/- in tum hnih pekchhuah tur a ni a, tun dinhmun ah Lawngtlai Dist. ah tanpuina dawng tur a inziaklut  1095 an awm mek thu a sawi.