Editorial | PATHIANNI, DAN BAWHCHHE TAM NI

Kar kalta chhung khan lirthei leh a khalhtu, dan bawhchhiate, ngaihhnathiamna awmlova hremna hapta hman a ni a, dan bawhchhia man pawh an awm nual a, khang an mante kha, lirthei leh a khalhtuin a neihtur danin a phut neilote an ni a, tihfo theih nise a duhawm ngawt mai.

        Hetihlai hian, lirthei khalhtuten, Driving license nei si a, dan an bawhchhiat fo hi a ngaimawhawm lai niin a hriat a, a bikin, lirthei ke hnih nei khalhtute zing ah, Pathianni ah Helmet khum tum lemlo,danin lirthei a chuangthei chin a bithliah pelh hrehlo hmuhtur an tam thin a, heihi a ngaimawhawm khawp mai. Heng zing ah hian Thalai khawlai a lengvak piah lam ah, Inkhawm kaltur zing ah hmuhtur an awm fo te hi, a mak tih mailo chu sawizuitur a tamlovin a hriat a ni.

         Helmet hi dan in khumtur a ti a, man hlauh vanga, a mantheitute awmna thlen dawn hnaih a khum chawp chuk chuk te pawh hmuntur an awm thin, a nihna tak ah chuan, khang a mantute tan a khum kan nilo, keimahni him nan a khum, keimahni tana Helmet hi khum kan ni tih kan hriatchian a tha khawp mai.

         
Pathianni a Helmet khumlo an tamna chhan hi, Office chawlh, a mantheitute duty lohlai a nih vang niberin a hriat a, mahni himna pawh ngaipawimawh duhlo, man hlauh vanga Helmet khum thin te hi lirthei khalh tlak a ni awm love.